jáhh bara að láta ykkur vita að ég kem heim.....


                                                          .............................................Á MORGUN!!!!!!!





kossar og knús! Elín Anna

jáhh tíminn flýgur sko aldeilis áfram og ekki nema 4 dagar í það að ég komi HEIM Ég er að verða alveg fáránlega spennt!!

Annars ætla ég að byrja á því að óska afmælisbarni dagsins innilega til hamingju með daginn



jáhh hérna er hún Sandra afmælisbarn (frekar gömul mynd!! sorry Sandra var að flýta mér og greip fyrstu)
Annars er stúlkan veik heima með ælupest.. sem er nú ekki það sem maður vill vera að gera á 20 ára afmælinu!! en vonandi verður hún bara hress sem fyrst!
Kossar og knúsar frá mér allavega

En að öðru..
Ég er bara búin að vera að stússast svona hitt og þetta síðan að ég kláraði stærðfræðina í síðustu viku. Skellti mér og verslaði jólakjól og svona ýmislegt á mánudaginn Rosa ánægð með kaupin!!
Svo er ég líka búin að vera menningarleg og skellti mér á safn, science museum!! Það var alveg ágætt.. hef þó komist að því að það getur verið alveg agalega leiðinlegt að ráfa um þessi söfn ein!! haha
næstu 4 daga ætla ég svo að nýta í að pakka, versla smá meir, þvo þvott, skoða kannski 1 safn í viðbót, kíkja í winter wonderland og taka svona eins og 1 djamm (Natasha vinkona mín ætlar að vera svo skemmtileg að halda smá partý heima hjá sér á laugardaginn, þannig vona bara að það verði stuð)

Svo þegar heim er komið þarf ég að taka ákvörðun um það hvort að ég ætli í HR í janúar!! Ég komst semsagt að því í gær að ég komst inn þannig það er nóg að gera á næstunni hjá mér!!

hérna er svo eitthvað af myndum í lokin! er reyndar með slatta inn á myndavélinni, en þarf að fara að gera eitthvað af viti, þannig ég hendi þeim bara inn næst http://picasaweb.google.com/elinannag/LondonSkammtur14# .

Þangað til næst... jólaknús á alla!!

ElínAnna...

ÉG ER BÚIN MEÐ ÞESSA BLESSUÐU STÆRÐFRÆÐI!!! Vúhú!! Mætti hálf 10 í morgun og smellti mér í prófið og er nú nokku viss um að ég hafi náð því... samt ekki alveg viss um að ég sé að fá toppeinkunn, en það kemur jú allt í ljós!! Nenni ekki að hafa áhyggjur af því... núna er komið JÓLAFRÍ

Annars eru ekki nema 10 dagar eftir af dvöl minni hérna í London! já þetta líður nú bara aðeins of hratt! Og ætla ég að reyna að nýta þessa daga í að gera eitthvað skemmtilegt Versla smá (ekki er nú verra að blessuð krónan er að styrkjast) og skoða það sem að ég vil ólm hafa séð áður en að ég fer heim!

Svo fyrir þau ykkar sem hafa verið að spurja mig hvað ég ætla að gera eftir að ég kem heim... jahhh þá er það ekki alveg ákveðið!! Ætlaði mér að fara að vinna og safna pening og svona, en ég er ekki að sjá fram á að fá neina vinnu, þannig ég sótti um í HR!! jább nú kemur það í ljós hvort að ég kemst inn, en ég er þá allavega með back-up plan!!

Annars hef ég bara verið að læra og læra síðustu daga. Héldum reyndar upp á afmælið hans Kristjáns á síðasta laugardag. Það heppnaðist rosalega vel og var mikið stuð á heimilinu! Held að síðasti gestur hafi ekki farið fyrr en upp úr 3 (hehe já eftir miðnætti)! Voða gaman

en jæja.. vildi bara láta ykkur vita að ég er á lífi!

Kveðja Elín Anna (sem er að farast úr tilhlökkun að koma heim!!!!)

Jáhhh... afmælisbarn dagsins í dag er:



Kristján Viktor En hann er einmitt 3 ára í dag!
Erum reyndar ekkert búin að gera í dag, nema syngja afmælissönginn, en það verður sko veisla í kvöld með kökum og tilheyrandi... mmmm

Annars er ekki mikið að frétta héðan úr London..

Veturinn er að koma, loksins farið að kólna. Var orðið hálf kjánalegt að sjá allt jólaskrautið í búðunum og heyra jólalögin, en fara svo út á hverjum degi og finnast bara gott veður!! En núna er þetta farið að breytast! Ekki það að það sé ekki fínt að hafa gott veður, bara ekki eins jólalegt

Alenka og Teresa kíktu í stórborgina á mánudaginn! Þær komu hingað um 10 leytið á mánudagsmorgninum og eyddum við tímanum á Oxford stræti (ekki það að engin okkar átti pening.. hehe... bara skoða!!). Það var rosa gaman að fá þær í heimsókn og ég get sko sagt ykkur það að ég bíð núna enn meira spennt eftir að koma heim og hitta alla

Svo er ég búin að vera veik síðustu daga.. lagðist í rúmið á mánudaginn alveg hundlasin og er rétt að skríða saman í dag. Versta við það er að nú er ég komin aftur úr í stærðfræðinni og verð að læra í allan dag!! ohhh... ekki að nenna því! Annars er búið að staðfesta próftímann minn og fer ég í það kl. 10 þann 5.desember! Sem gerir það að verkum að í hádeginu 5.des er ég BÚIN með stærðfræðina!! jeijjjj!!!

en jæja þá er ég farin!!

Kossar og knús

Elín Anna (sem kemur heim eftir 18 daga!!)

jáhhh það styttist og styttist í það að ég fari heim
Annars er ég nú bara farin að halda að það borgi sig ekkert að koma heim! allt að verða brjálað þarna heima?? mótmæli sem enda í að fólk brýtur rúður og lendir á sjúkrahúsum!! jeddúddamía

Nei ætli það sé nú ekki bara sjálfsagt að mótmæla! Vona bara að það skili einhverri niðurstöðu! Persónulega finnst mér nú hálf spes að ætla að boða til kosninga núna... er ekki málið að ganga frá öllum málum áður en að við förum í það! En aftur á móti finnst mér að það séu nú nokkrir ráðherrar sem að mættu fjúka þarna út!! Spurning hvort að það myndi ekki vera skárra..! En hvað veit ég?? ég er nú bara í Bretlandi að hafa það gott

Annars hlakka ég ROSA til á morgun!! Haldiði ekki að hún Alenka sé stödd hérna í London í nokkra tíma! Hún er búin að vera að ferðast um Spán með Teresu og Maríu og flýgur heim á morgun! En mér til mikillar ánægju, þá lenda Teresa og Alenka hér í London í fyrramálið, en eiga ekki flug til Íslands fyrr en annað kvöld Sem þýðir það að þær ætla að koma og kíkja inn í London og hitta mig
Þannig að nú læri ég og læri svo að ég hafi nú efni á því að hitta skvísurnar á morgun!!

Svo er ég búin að vera að vinna í þessum myndasíðumálum og bjó ég mér bara til meil á g-mail og er því komin með nýja myndasíðu. Henti inn myndum (jahhh.. eða myndböndum kannski öllu heldur) frá síðustu helgi! http://picasaweb.google.com/elinannag/LondonSkammtur13#. Ég tek það fram að megnið af myndunum er tekið eftir að búið var að loka á staðnum sem að við vorum á og það má spurja sig hvað hafi verið í gangi haha (og til að toppa það, þá er Silfá edrú þarna!!)

Ekki er nú mikið að frétta.. ég var rosalega róleg þessa helgina! Lærði á föstudag og fór svo bara snemma að sofa og í gær, þá var ég að passa og hafði það huggulegt með rauðvín og Gray's anatomy... sem ég er gjörsamlega húkkt á þessa dagana! Helena besta benti mér á hvar ég get horft á þetta á netinu og ligg ég nú yfir þessu langt fram á nætur!!!!! Takk Helena mín
Svo verður Kristján Viktor 3 ára á fimmtudaginn og hugsa ég að við skellum kannski í eina súkkulaðiköku fyrir það! Annars er held ég að planið sé að hafa smá afmæli á laugardaginn næsta!
Og svo bíð ég spennt eftir að klára þessa stærðfræði, því að ég hlakka svo mikið til í að geta farið að eyða dögunum í jólastemningunni sem að er sko löngu, löngu komin hérna í Bretana! Ætla að nýta síðustu dagana í að horfa á fallegar skreytingar og skoða í búðunum... og hver veit nema ég skelli mér á kannski eins og einn jólakjól (á milljón.. sökum gengis... en jæja ég fer þá ekki í jólaköttinn!!)

jæja farin að læra....
kossar og knús
Elín Anna

ójá!! Það eru ekki nema 27 dagar í að ég komi á klakann!!
Ég get sko sagt ykkur það að spenningurinn magnast með hverjum deginum!!

Annars er ekki mikið að frétta.. Skellti mér út með Camile (brasilísk vinkona mín sem að vinnur með Danielle) á föstudag og svo fór ég til stelpnanna í Kew á laugardaginn!! mikið fjör og mikið gaman!! Ætlaði að henda inn myndum, en nei hvað haldiði!!! Myndasíðan mín er full! Hvað gera bændur þá?? einhver sem að veit um góða síðu sem að ég get sett myndir inná?? nenni ekki að fara að eyða alltaf út albúmum til að setja ný inn!! ohhh VESEN


Annars vil ég svo óska henni Mörtu til hamingju með daginn á laugardaginn Ætlaði að henda inn afmælisbloggi, en það fór eitthvað úrskeiðis með það!! hehe sorrý Marta mín!! Hún er hérna sæt og fín fyrir ofan með Þorsteini, á síðustu áramótum!!
Annars var víst svakalegt partý hjá skvísunni og þakka ég öllum þeim sem að ég heyrði í, fyrir skemmtileg samtöl! Var nánast eins og ég væri bara á staðnum (sem ég hefði viljað óska, en Marta þú tekur bara að þér að halda partý um áramótin!! ok?? af því þá verð ÉG!!)

En þar sem að það eru bara 17 dagar í stærðfræðiprófið mitt og ég enn í kafla 2 (af 5!!!!) þá er ég að hugsa um að hafa þetta ekki lengra í bili!!

Over and out.....

Elín

Jáhh það er ekki laust við að ég sé farin að hlakka mikið til að koma heim enda ekki nema mánuður í þetta!!

Sigga fór heim í gær hennar verður sárt saknað hérna úti og get ég staðhæft það að saumaklúbburinn purusteikurnar verður ekki samur hérna úti!! (hehe ekki fyrr en við hittumst allar á ný)
Við (ég, Erla, Kolla og Sigga) skelltum okkur í sushi á High street Kensington í gær til þess að kveðja skvísuna og var það afar skemmtileg ferð hehe
Sakn á þig Sigga mín Vona að þú hafir það gott þangað til að við komum heim að skemmta þér

Ég henti inn myndum frá síðastliðinni viku.. eða reyndar frá fimmtudeginum síðasta og laugardeginum: http://picasaweb.google.com/elinanna88/LondonSkammtur12#.
Á fimmtudaginn fórum við Sigga nefnilega út í Notting Hill.. vorum alltaf búnar að ákveða að gera það og skelltum okkur í það fyrst að Sigga var nú að fara. Það var ágætt.. kynntumst AFAR furðulegum náungum og átti Sigga miklar samræður við þá!! þær voru ALLTOF furðulegar fyrir mig!! hehe.
Og á laugardaginn var svo kveðjudjammið hennar Siggu. Ég og Sigga fórum út að borða á Portobello road og skelltum okkur svo til Kew Gardens þar sem að Erla, Silfá og Kolla biðu okkar heima hjá Kollu. Þar var nokkrum ísköldum drykkjum rennt niður og svo héldum við á skemmtistað þar sem að hún Sigríður okkar var búin að koma okkur á gestalista (búið að borga allt... inná staðinn, áfengi og bara ALLT!!) Kolla okkar kom því miður ekki með en við hinar skemmtum okkur konunglega langt fram á nótt
Takk fyrir MEGA kvöld stelpur og Silfá ég vil þakka þér sérstaklega fyrir þá fyndnustu leigubílaferð sem að ég hef upplifað!! hahahahahahahahaha

Svo sit ég sveitt hérna við að sækja um vinnur og skrá mig hjá atvinnumiðlunum!! Ég SKAL fá vinnu!!! Þannig endilega látið mig vita ef að þið fréttið/vitið af einhverju sem að ég gæti farið að gera þegar ég er komin heim!!
Er reyndar komin með ágætt af vöktum á Víðinesi fram til 2. janúar, en þá eru víst allir komnir úr fríum og svona og enga meiri vinnu fyrir mig að hafa þar Þannig ég er laus í vinnu frá og með 5. janúar!!

og svo eitt að lokum... hvenær má fara í jólaskap?? Díííí hér er löngu búið að skreyta allt og það liggur við að þegar maður gangi inn í búðirnar þá taki Heims um ból á móti manni!!! Full snemmt?? JÁ
Bretarnir eru alveg snar í þessu jóladæmi... Danielle sagði mér í gær að næsti föstudagur (já 14.NÓVEMBER) sé einn af stærstu jóladögunum og marki hann upphaf jólavertíðarinnar í búðunum!! úff... er ég að verða of sein á jólagjöfunum??? hehe
Annars ætla ég ekki að flýta mér í jólaskapið.. er þó búin að ákveða það að skella í piparkökudeig þann 26. nóvember svo að ég og Kristján getum haldið upp á afmælið hans (27.nóvember) við að baka og skreyta piparkökur!! Ætli jólaskapið segi ekki til sín þá

en þangað til næst.. Ást og kærleikur (hehe smá jólaandi)

Elín Anna

Jæja þá er mamma komin og farin aftur Við dunduðum okkur við ýmislegt og skellti ég inn myndunum af heimsókninni: http://picasaweb.google.com/elinanna88/LondonSkammtur11# .
Við versluðum, skoðuðum Natural History Museum, kíktum í bíó, skoðuðum Whole foods (borðaði sushi með mömmu þar.. sama hvort þið trúið því eða ekki!!), fórum á Borough Market og Camden market, fórum út að borða, pössuðum, kíktum á kaffihús og ýmislegt fleira! Það var algjört æði að fá þessa heimsókn og hlakka ég nú bara enn meira til að koma heim um jólin!

... og já talandi um það.....
Ég á pantað flug heim 15.desember og er ég barasta líklega á leiðinni alveg heim jamm skjótt skipast veður í lofti! Annars er ég sjálf bara pínu fegin, er farin að hlakka mikið til að hitta alla og vona nú bara að ég fái einhverja vinnu þarna í kreppunni heima! Er allavega komin með 7 vaktir yfir jólin Þannig ef einhver veit um vinnu eða vill ráða mig í vinnu, þá bara endilega láta mig vita

Annars er lítið að frétta héðan úr stórborginni. Allt gengur sinn vanagang... jahhh eða svona fyrir utan það að ef að maður opnar blað eða kveikir á sjónvarpi, þá er ekki þverfótað fyrir kosningunum í Bandaríkjunum! Mikil spenna fyrir þessu hérna úti. Danielle er t.d. að fara á eitthvað kosningadót í kvöld, þó að ég trúi nú varla að hún vaki eftir einhverjum niðurstöðum!

en jæja... hef eiginlega ekki mikið meira að segja, þannig ég er farin að gera eitthvað annað

Hlakka mikið til að sjá alla eftir einungis 6 vikur!!!!

Kossar og knúsar EAG

Jáhhhh... þá er kominn vetrartími og er ég þá komin á sama tíma og þið þarna heima á Íslandi
Ég fékk semsagt einn auka klukkutíma núna á laugardaginn!! Steinar var búin að peppa okkur upp í að nota hann í djamm, því að það væri nú ekki leiðinlegt að fá extra tíma í það. Ég og Sigga gerðum heiðarlega tilraun í þynnku okkar að fara út og gera þetta, en eftir 2 bjóra lá leið okkar í Häagen Dazs ísbúðina og svo heim! Við lögðum af stað frá Leicester square um 12 þannig ég var mega sátt með það að þegar ég kæmi heim þá væri hún nú bara hálf 12 (hehe auka klukkutíminn og ég bara hálftíma á leiðinni!!!).
En NEI!!!! það átti víst ekki að gerast. Þegar ég kem í Green Park eru svaka tafir á Jubilee-line þannig ég byrja á því að bíða í 20 mínútur þar eftir lestinni. Loksins þegar lestin kemur er ég voða fegin að nú sé ég alveg að komast heim... en nei, ég fer niður á London Bridge og þar stoppar bara lestin og það eina sem að við fáum að vita er að við þurfum aðeins að bíða.. eftir 15 mínútna bið þar og frekar marga sem að voru farnir að vera pirraðir kemur tilkynning um það að mikill og þykkur svartur reykur sé í göngunum framundan og því þurfi allir að yfirgefa lestina!!!!!!! já ekki var ég nú sátt þar!! Þannig ég þurfti að hunskast út og taka strætó þaðan, sem að var jú PAKKAÐUR þar sem að allir sem að í lestinni voru þurftu nú að taka strætó!!
Þannig ég eyddi þessum auka klukkutíma í það að vera föst í lestarkerfi Lundúna!!! GREAT

en að öðru... Mamma mína sæta er að koma í heimsókn á morgun og get ég varla beðið eftir að þessi dagur líði svo að ég fái að sjá hana!! Danielle er held ég alveg að farast úr stressi yfir að múttu finnist allt í drasli og ekki nógu smart hérna og eyddi hún nokkrum tímum í gær í að þvo allt hátt og lágt og laga allt og gera fínt! Ég sagði henni nú að hafa ekki áhyggjur því að hún móðir mín gæti nú lifað þetta af, en neinei henni var ekki haggað!!

Annars er ég búin að vera ýkt dugleg í morgun.. klukkan er rétt að verða 11 núna og ég er búin að koma mér á fætur, vekja Kristján, klæða og gefa honum að borða, setja í 2 þvottavélar, ganga frá þvotti, fara með Kristján í leikskólann, hitta Danielle, fá mér kaffi og er alveg að verða búin með þetta blogg! og ég vaknaði samt ekki fyrr en korter yfir 8!! úff dugnaður

fór að dunda mér í gær að breyta aðeins síðunni.. sjáið kannski að headerinn minn er nýr. Þetta er mynd sem að er tekin af svölunum hérna heima í Bermondsey, þannig þá vitiði hvernig kvöldútsýnið er Annars henti ég inn fullt af myndum í gær.. setti inn albúm sem að eru gömul og ég hef aldrei nennt að setja inn. Man ekki nákvæmlega hver þau voru en farið bara á http://picasaweb.google.com/elinanna88/ þar getið þið séð hvað þið hafið ekki séð áður
Svo henti ég auðvitað inn skammti 10 af myndum héðan frá London. Þar er að finna örfáar myndir frá síðustu viku ásamt myndum frá síðustu helgi: http://picasaweb.google.com/elinanna88/LondonSkammtur10# .
Ég skellti mér einmitt á föstudaginn út með nokkrum af au pair stelpunum og það var ÆÐI. Ég, Sigga, Erla, Silfá og Kolla hittumst heima hjá Erlu og skelltum í okkur nokkrum drykkjum og skemmtum okkur í ýmsum leikjum og svo var ferðinni heitið á Zoo-bar sem að er á Leicester square!! Takk stelpur fyrir æðislegt kvöld (haha og já þú líka Pálmi) og hlakka til þemapartýsins hjá Silfá sem að verður þar næstu helgi (ekki satt Silfá??)

en jæja þá er það spurningin að skella sér í smá stærðfræði!!

Bless í bili ElínAnna

... er engin önnur en hún móðir mín


hérna er hún ásamt sætu systur minni að borða á uppáhalds veitingastaðnum okkar í London